பிகார் முதல்வராக பதவியேற்ற நிதிஷ்.. துணை முதல்வராக பதவியேற்ற லாலுவின் மகன்: பாட்னாவில் குவிந்த தலைவர்கள்

பிஹார் முதல்வராக 5-வது முறையாக நிதிஷ் குமார் இன்று பதவியேற்றுள்ளார்.
பாட்னாவில் காந்தி மைதானத்தில் நடந்த பதவியேற்பு விழாவில் நிதிஷ் குமாருக்கு மாநில ஆளுநர் பதவி பிரமாணம் செய்துவைத்துள்ளார்.

லாலுவின் இளைய மகன் தேஜஸ்வி பிரசாத் துணை முதல்வராக பதவியேற்றுள்ளார். லாலுவின் 2 மகன்களும் அமைச்சர்களாக பதவியேற்றுள்ளனர்.

ராஷ்ட்ரிய ஜனதா தளத்திலிருந்து 16 அமைச்சர்களும், ஐக்கிய ஜனதா தளத்திலிருந்து 15 அமைச்சர்களும் காங்கிரஸ் கட்சியிலிருந்து 5 அமைச்சர்களும் இடம்பெறுகிறார்கள்.

பதவியேற்பு விழாவில் டெல்லி முதல்வர் அரவிந்த் கேஜ்ரிவால், கர்நாடக முதல்வர், மேற்குவங்க முதல்வர் என பல்வேறு மாநில முதல்வர்களும், மத்திய அமைச்சர் வெங்கைய நாயுடு உள்ளிட்ட தலைவர்களும் கலந்து கொண்டுள்ளனர்.

மேலும் காங்கிரஸ் துணைத் தலைவர் ராகுல் காந்தி, முன்னாள் பிரதமர் தேவ கவுடா, தேசியவாத காங்கிரஸ் தலைவர் சரத்பவார், தேசிய மாநாட்டுக் கட்சி தலைவர் ஃபரூக் அப்துல்லா, தி.மு.க பொருளாளர் மு.க.ஸ்டாலின், இந்திய கம்யூனிஸ்ட் கட்சியின் டி.ராஜா உள்ளிட்ட தலைவர்கள் பங்கேற்றுள்ளனர்.