கனடாவின் பாதுகாப்பு அமைச்சராக பதவியேற்ற இந்திய வம்சாவளி நபர்

கனடாவின் பாதுகாப்பு அமைச்சராக இந்திய வம்சாவளியைச் சேர்ந்த சீக்கியர் பதவி ஏற்றுள்ளார்.
கனடாவின் 23-வது பிரதமராக தெரிவு செய்யப்பட்டுள்ள ஜஸ்டின் டெர்டியூ நேற்று பதவி ஏற்ற போது, அவருடன் 30 புதிய அமைச்சர்களும் பதவி ஏற்று கொண்டுள்ளனர்.

அவர்களில் இந்திய வம்சாவளியைச் சேர்ந்த சீக்கியரான ஹர்ஜித் சஜ்ஜன் என்ற தெற்கு வான்கோவரில் இருந்து எம்.பியாக வெற்றி பெற்ற நபர் கனடாவின் பாதுகாப்பு அமைச்சராக பதவி ஏற்றுள்ளார்.

இந்தியாவில் பிறந்த சஜ்ஜன் தனது 5 வயதில் குடும்பத்துடன் கனடா சென்றுள்ளார்.

கனடிய ராணுவத்தில் பணியாற்றிய சஜ்ஜன் போஸ்ன்பியா மற்றும் ஆப்கானிஸ்தானின் கந்தகாரில் பணியாற்றி உள்ளார்.

மேலும், கந்தகாரில் தலிபான்களின் செல்வாக்கை குறைக்க பணியாற்றியதற்காக கடந்த 2013ம் ஆண்டு சேவை விருது பெற்ற அவர் ராணுவத்தில் பல விருதுகளை பெற்றுள்ளார்.