அளுத்கம மற்றும் தர்கா நகர் பகுதிகளில் பாதுகாப்பு தீவிரம்

பொதுபலசேனா அமைப்பின் பிரசாரக் கூட்டங்கள் காரணமாக அளுத்கம மற்றும் தர்கா நகர் பகுதிகளில் பாதுகாப்பு பலப்படுத்தப்பட்டுள்ளதாக காவற்துறையினர் தெரிவித்துள்ளனர்.
பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரர் கலந்து கொள்ளும் இரண்டு பிரசாரக் கூட்டங்கள் அளுத்கம மற்றும் தர்கா நகர் பகுதிகளில் இன்று நடைபெறுகிறது.

இதனை முன்னிட்டு குறித்த பிரதேசங்களின் பாதுகாப்பு பலப்படுத்தப்பட்டிருப்பதாக காவற்துறையினர் கூறியுள்ளனர்.

காவற்துறையினருக்கு மேலதிகமாக விசேட அதிரடிப்படையின் கமாண்டோ படைப் பிரிவினர், கலகத்தடுப்பு காவற்துறையினர், தண்ணீர் தாரை தாக்குதல் வாகனங்கள் என்பனவும் தயார் நிலையில் வைக்கப்பட்டுள்ளன.

சிரேஷ்ட பிரதிக்காவற்துறை மா அதிபர் பூஜித ஜயசுந்தர உட்பட உயர் அதிகாரிகளும் அங்கு அனுப்பி வைக்கப்பட்டுள்ளனர்.