அரசியல்வாதிகளுக்கு பாதுகாப்பு வழங்கும் சிவில் பாதுகாப்பு படையினர் அதில் இருந்து நீக்கம்!

அரசியல்வாதிகளுக்கு பாதுகாப்பு வழங்கும் பணிகளில் ஈடுபடுத்தப்பட்டுள்ள சிவில் பாதுகாப்பு படையினரை அந்த பணிகளில் இருந்து திரும்ப அழைப்பது குறித்து ஜனாதிபதி மைத்திரிபால சிறிசேன கவனம் செலுத்தியுள்ளார்.
இது தொடர்பாக ஜனாதிபதி சிவில் பாதுகாப்பு திணைக்களத்திற்கு அறிவித்துள்ளதாக தெரிவிக்கப்படுகிறது.

புதிய அரசாங்கம் பதவிக்கு வந்த பின்னர், அரசியல்வாதிகளுக்கு வழங்கப்படும் பாதுகாப்புகளை குறைப்பது என தீர்மானித்திருந்தது.

பாதுகாப்பு அச்சுறுத்தல் இல்லாத எவருக்கும் படையினரின் பாதுகாப்பு வழங்கப்படாது எனவும், பொலிஸாரின் பாதுகாப்பு மாத்திரமே வழங்கப்படும் எனவும் அரசாங்கம் முன்னர் கூறியிருந்தது.