ஜெயலலிதாவை பின்பற்றும் கெஜ்ரிவால்: டெல்லியிலும் மலிவு விலை உணவகங்கள்

தமிழகத்தில் உள்ளதை போல டெல்லியில் மலிவு விலை உணவங்களை திறக்க, அரவிந்த் கெஜ்ரிவால் அரசு முடிவு செய்துள்ளது.
தமிழகத்தில் ஆளும் அதிமுக அரசால் ஏழை, எளிய மக்களுக்காக துவக்கி வைக்கப்பட்ட அம்மா உணவகம் நல்ல வரவேற்பை பெற்றுள்ளது.

இந்நிலையில், இத்திட்டத்தைப் போன்று தற்போது டெல்லியிலும் உணவகங்களை திறக்க ஆம் ஆத்மி அரசு முடிவு செய்துள்ளது.

இந்த உணவகத்தில், 5 ரூபாய் முதல் 10 ரூபாய் வரையில் உணவுக்கு விலை நிர்ணயிக்கப்படும்.

மேலும், மருத்துவமனைகள், தொழிற்சாலைகள், வணிக வளாகங்கள் போன்ற இடங்களில் இந்த உணவகங்கள் முதலில் அறிமுகப்படுத்தப்படும் என்று தெரிவிக்கப்பட்டுள்ளது.