மாபியாக்களால் கடத்தப்பட்ட டிராபிக் பொலிஸ்: வாகனங்களில் துரத்தி பிடித்த பொலிசார்!

டெல்லியில் மாபியாக்களால் கடத்தப்பட்ட டிராபிக் பொலிசை, சுமார் 10 கி.மீ. வாகனத்தில் துரத்தி சென்று பொலிசார் பிடித்துள்ளனர்.
டெல்லியில் நேற்றிரவு சான்கார் சாலையில் வந்த மணல் டிராக்டரை ஆவணங்களை பரிசோதனை செய்வதற்காக டிராபிக் பொலிசார் ஒருவர் நிறுத்தியுள்ளார்.

மணல் மாஃபியாவை சேர்ந்த அந்த டிராக்டரின் ஓட்டுனர், பரிசோதனை செய்ய வந்த பொலிசை வண்டியில் தூக்கிவைத்துக் கொண்டு சென்றுவிட்டார்.

இதையடுத்து உடனடியாக தகவல் அறிந்த பொலிசார் 10-க்கும் மேற்பட்ட பாதுகாப்பு ரோந்து வாகனங்களில் டிராக்டரை பின்தொடர்ந்து சென்றுள்ளனர்.

டிராபிக் பொலிஸ் கடத்தப்பட்ட பகுதியில் இருந்து சுமார் 10 கி.மீ. தொலைவில் வைத்து டிராக்டரின் டையரில் பொலிசார் துப்பாக்கி சூடு நடத்தியதால் டிராக்டர் நின்றுள்ளது.

பின்னர் டிராபிக் பொலிஸை காப்பாற்றியதுடன் அந்த டிராக்டர் ஓட்டுனரை பொலிசார் கைதுசெய்து டிராக்டரையும் கைப்பற்றியுள்ளனர்.