மக்களுக்கு சேவை செய்வதையே விரும்புகிறேன்: ராஜினாமா செய்த கெஜ்ரிவால் (வீடியோ இணைப்பு)

ஆம் ஆத்மி கட்சியின் ஒருங்கிணைப்பாளர் பதவியை அரவிந்த் கெஜ்ரிவால் ராஜினாமா செய்துள்ளார்.
டெல்லி முதல்வராக உள்ள அரவிந்த் கெஜ்ரிவால், தனது கட்சியின் ஒருங்கிணைப்பாளர் பதவி ராஜினாமா குறித்த விளக்கத்தில், ஒரே நேரத்தில் இரண்டு பொறுப்புகளைக் கவனிக்க முடியவில்லை.

நான் டெல்லி மக்களுக்கு சேவை செய்வதையே விரும்புகிறேன். எனவேதான் கட்சிப் பதவியை ராஜினாமா செய்துள்ளேன் என்று கூறியுள்ளார்.

மேலும், புதிய ஒருங்கிணைப்பாளர் யார் என்று செய்தியாளர்கள் கேட்டதற்கு, இதுவரை யாரும் தெரிவு செய்யப்படவில்லை என்றும், விரைவில் அறிவிப்போம் எனவும் தெரிவித்துள்ளார்.

ஆம் ஆத்மி கட்சிக்குள் கடந்த சில நாட்களாகவே இந்த பிரச்சனை கட்சிக்குள் பல மோதல்களை ஏற்படுத்தியது குறிப்பிடத்தக்கது.