ஜெயலலிதா விடுதலை: மொட்டை அடித்துக் கொண்ட எம்.எல்.ஏ (வீடியோ இணைப்பு)

சொத்துக் குவிப்பு வழக்கில் இருந்து ஜெயலலிதா விடுதலையானதை அதிமுகவினர் கோலாகலமாக கொண்டாடி வருகின்றனர்.
ஜெயலலிதாவுக்கு வாழ்த்துக்கள் குவிந்த வண்ணம் உள்ளன.

இந்நிலையில் புதுச்சேரி அதிமுக எம்.எல்.ஏ-வான ஓம்சக்தி சேகர், மொட்டை அடித்து நேர்த்திக்கடன் செலுத்தியுள்ளார்.

சொத்து குவிப்பு வழக்கிலிருந்து, ஜெயலலிதா விடுதலையாக வேண்டி சில மாதத்திற்கு முன் மேல்மருவத்தூர் ஆதிபராசக்தி கோவிலுக்கு நடைபயணம் மேற்கொண்டதுடன், மொட்டை போட்டு முடி காணிக்கை செலுத்துவதாகவும் வேண்டியுள்ளார்.

இதையடுத்து நேற்று கட்சி அலுவலகத்தில் மொட்டை போட்டு, ஓம்சக்தி சேகர் வேண்டுதலை நிறைவேற்றினார். அவருடன், 50க்கும் மேற்பட்ட கட்சி தொண்டர்களும் மொட்டை அடித்துக் கொண்டனர்.