நிலநடுக்கத்தின் போது வங்கியில் 20 லட்சத்தை கொள்ளையடித்த பலே திருடர்கள்

டெல்லியில் நேற்று நில அதிர்வுகள் ஏற்பட்ட போது அங்குள்ள வங்கி ஒன்றில் மர்ம நபர்கள் ரூ.20 லட்சத்தை கொள்ளை அடித்து சென்றுள்ளனர்.
டெல்லியில் உள்ள கிரேட்டர் நொய்டா பகுதியில் நில அதிர்வுகள் ஏற்பட்ட போது, அங்குள்ள சிண்டிகேட் வங்கியில் இருந்த ஊழியர்கள் அனைவரும் கட்டிடத்தை விட்டு பீதியில் வெளியேறியுள்ளனர்.

அப்போது வங்கியில் கேஷியர் மட்டும் தனியாக இருந்த போது, துப்பாக்கிகளுடன் நுழைந்த 2 மர்ம நபர்கள், ரூ.20 லட்சத்தை கொள்ளையடித்துச் சென்றுள்ளனர்.

இந்த விடயம் வெளியே நின்று கொண்டிருந்த ஊழியர்களுக்கு தெரிவதற்குள், கொள்ளையர்கள் இருவரும் தப்பி ஓடியுள்ளனர். தற்போது அந்த மர்ம நபர்களை பொலிசார் தேடி வருகின்றனர்.