ஸ்ரீலங்கன் விமான சேவை டுபாய் வங்கியில் அடகு

ஸ்ரீலங்கன் விமான நிறுவனத்தின் முன்னாள் தலைவர் நிஷாந்த விக்ரமசிங்க டுபாய் மஸ்ரேக் வங்கியில் 23079 மில்லியன் ரூபா பிணைக் கடன் கடந்த 2014ம் ஆண்டில் பெற்றுக்கொண்டுள்ளதாக தகவல் வெளியாகியுள்ளது.
திறைசேரி பிணையின் அடிப்படையில் பெற்றுக்கொள்ளப்படும் கடனானது அடகுக் கடனுக்கு நிகரானது என தெரிவிக்கப்படுகிறது.

இதேவேளை டுபாய் வங்கியிடமிருந்து பெற்றுக்கொள்ளப்பட்ட கடன் அடகுக் கடனுக்கு நிகரானது என பொருளியல் நிபுணர்கள் தெரிவித்துள்ளனர்.

2014ம் ஆண்டு நிறைவில் செலுத்தப்படாத கடன் தொகை 30712 மில்லியன் ரூபா எனத் தெரிவிக்கப்படுவதோடு இந்த ஆண்டில் செயற்பாட்டு நட்டம் 8400 மில்லியன் ரூபா என தகவல் வெளியாகியுள்ளது.

ஸ்ரீலங்கன் விமான சேவை நிறுவனத்தின் முன்னாள் தலைவர் நிஷாந்த விக்ரமசிங்கவினால் மேற்கொள்ளப்பட்ட முறைகேடு தொடர்பாக ஆராய்வதற்கு நியமிக்கப்பட்ட குழு தங்கள் அறிக்ககையை பிரதமர் ரணில் விக்ரமசிங்கவிடம் ஒப்படைத்துள்ளது.

நிசாந்த விக்ரமசிங்க முன்னாள் ஜனாதிபதி மஹிந்த ராஜபக்சவின் மைத்துனர் என்பதும் குறிப்பிடத்தக்கது.