இந்திய வம்சாவளியை சேர்ந்த மருத்துவர் அமெரிக்காவில் கைது

அமெரிக்காவில் 64 வயதான இந்திய வம்சாவளியை சேர்ந்த மகப்பேறு மருத்துவர் கைது செய்யப்பட்டுள்ளார்.
லாங்மியோ டோவ் பகுதியை சேர்ந்த ரீட்டா லுத்ரா (64) என்ற அந்த பெண் மருத்துவர், Warner Chilcott என்ற மருந்து நிறுவனத்திடம் இருந்து லஞ்சம் பெற்றுள்ளார்.

அவர் osteoporosis என்ற நோய்க்கான Warner Chilcott நிறுவனத்தின் மருந்தை நோயாளிகளுக்கு பரிந்துரை செய்வதற்காக லஞ்சம் பெற்றது தெரியவந்துள்ளது.

அந்த நிறுவனத்தை சேர்ந்த விற்பனை பிரதிநிகள், தனது நோயாளிகளின் பதிவுகளை பார்க்கவும் அவர் அனுமதித்துள்ளார்.

கடந்த 2010ம் ஆண்டு அக்டோபர் முதல் 2011 நவம்பர் மாதம் வரை, அந்த நிறுவனம் லுத்ரா வங்கி கணக்கிற்கு 23,500 அமெரிக்க டொலர்களை வழங்கியதும் தெரியவந்துள்ளது.

மேலும், பொலிசார் விசாரணையில், அந்த மருந்து நிறுவனத்துடன் தனக்கு இருந்த தொடர்பு பற்றி பொய்யான காரணங்களை கூறியதோடு, தனது ஊழியர் ஒருவரையும் பொய் சொல்லவைத்தது தெரியவந்துள்ளது.

அவரை கைது செய்த பொலிசார் அவர் மீது நீதிமன்றத்தில் கிரிமினல் வழக்கு தொடர்ந்துள்ளனர்.

மேலும், இந்த கிரிமினல் நடவடிக்கைகாக இவருக்கு 23,500 அமெரிக்க டொலர்கள் அபராதம் (இந்திய மதிப்பில் ரூ.15 லட்சம்) விதிக்கப்பட்டுள்ளது