இந்திய வம்சாவளியைச் சேர்ந்த ஓவியர் மோடிக்கு அளித்த பரிசு

அபுதாபியில் இந்திய வம்சாவளியைச் சேர்ந்த ஓவியர் ஒருவர், பிரதமர் மோடிக்கு தனது ஓவியத்தை பரிசளித்துள்ளார்.
இந்தியப் பிரதமர் நரேந்திர மோடி 2 நாள் அரசு பயணமாக ஐக்கிய அரபு அமீரகம் சென்று திரும்பினார்.

அவரை அபுதாபியில் சந்தித்த இந்திய வம்சாவளியைச் சேர்ந்த ஓவியர் அக்பர் சாஹேப் அபுதாபி ”தாயின் வாழ்த்து” என்ற தலைப்பிலான ஓவியத்தை பரிசளித்துள்ளார்.

ஐக்கிய அரபு அமீரகத்துக்கு வருகை தந்த பிரதமரை சந்திக்க விருப்பம் தெரிவித்து இந்திய தூதரகத்தை அணுகிய அக்பர் சாஹேப்புக்கு முதலில் தோல்வியே கிடைத்தது.

பின்னர் திடீரென தூதரக அதிகாரிகள் தொலைபேசியில் தொடர்பு கொண்டு உடனடியாக பிரதமரை வந்து சந்திக்குமாறு கூறியுள்ளனர்.

இதையடுத்து, ஆகஸ்ட் 17ம் திகதி 2.30 மணியளவில், ஹொட்டலில் மோடியை சந்தித்த அக்பரை, மோடி ஆரத்தழுவி வாழ்த்துக் கூறியுள்ளார்.

மேலும் மோடி அவரிடம், உங்களைப் பற்றி அனைத்தும் எனக்குத் தெரியும் என்று கூறி ஆச்சர்யமளித்துள்ளார்.