மோடிக்கு இந்திய மக்களை விட வெளிநாடு வாழ் இந்தியர்கள் தான் முக்கியம்!

பிரதமர் மோடிக்கு இந்திய மக்களை விட வெளிநாடு வாழ் இந்தியர்கள் தான் முக்கியம் என்று காங்கிரஸ் கடுமையாக விமர்சித்துள்ளது.
பிரதமர் மோடி அடிக்கடி வெளிநாடுகளில் சுற்றுப்பயணம் மேற்கொள்வது பற்றி காங்கிரஸ் கட்சியை சேர்ந்த முன்னாள் மத்திய அமைச்சர் கபில் சிபல் கூறுகையில், மோடிக்கு இந்தியாவில் வசிக்கும் குடிமக்களை விட வெளிநாடு வாழ் இந்தியர்களின் நலம் தான் முக்கியமாக உள்ளது.

பிரதமர் வெளிநாடுகளில் சுற்றுப்பயணம் மேற்கொண்டிருக்கையில் மக்களோ அவர் தங்களை மறந்துவிட்டதாக நினைக்கின்றனர்.

சீன சுற்றுலாப்பயணிகளுக்கு இ-விசா அளிக்கும் திட்டம் முதலில் ஐக்கிய முற்போக்கு கூட்டணி ஆட்சியில் அறிமுகப்படுத்தப்பட்டது தான் என்று தெரிவித்துள்ளார்.

காங்கிரஸ் கட்சி தலைவர் சோனியா காந்தியின் அரசியல் செயலாளர் அகமது பட்டேல் கூறுகையில், உயர் பதவியில் இருப்பவர்கள் ஏன் வெளிநாடுகளுக்கு செல்கையில் நாட்டை பற்றி நினைக்காமல் தங்களைப் பற்றி மட்டுமே நினைக்கின்றனர்? என்று தெரிவித்துள்ளார்.

மேலும், காங்கிரஸ் செய்தித் தொடர்பாளர் சுஷ்மிதா தேவ் கூறுகையில், மோடி சிறந்த பேச்சாளர் என்று கருதப்பட்டாலும், வர வர அவரது பேச்சு யாருக்கும் பிடிக்கவில்லை என்று கூறியுள்ளார்.