இந்திய விமானப்படையில் விரைவில் போர் விமானிகளாக களமிறங்கும் பெண்கள்

இந்திய போர் விமானங்களில் பெண் வீரர்களை பணியமர்த்த திட்டமிடப்பட்டுள்ளதாக விமானப் படை தளபதி ஆருப் ரஹா தெரிவித்துள்ளார்.
இந்திய விமானப் படையின் 83-வது ஆண்டு விழா நிகழ்ச்சி இன்று டெல்லியில் நடைபெற்றது.

இதில் கலந்துகொண்ட விமானப் படை தளபதி ஆருப் ரஹா பேசும்போது, பெண் விமானிகள் போக்குவரத்து விமானம் மற்றும் ஹெலிகாப்டர்களில் பணியாற்றிகின்றனர்.

தற்போது போர் விமானங்களிலும் பெண் வீரர்களை ஈடுபடுத்த திட்டமிட்டுள்ளோம். இதன் மூலம் இளம் பெண்களை ஊக்குவிக்க முடியும் என தெரிவித்துள்ளார்.

மேலும், இந்திய விமானப் படையின் 83-வது ஆண்டு விழா வை முன்னிட்டு பிரதமர் மோடி ட்விட்டரில் வாழ்த்து தெரிவித்துள்ளார்.

அதில், விமானப் படை தினத்தில் அதன் வீரர்களுக்கு தைரியத்துடனும் உறுதியுடனும் நாட்டை பாதுகாக்கும் பணியில் ஈடுபட்டுள்ளனர். அவர்களது பங்கு என்றும் போற்றக்கூடியது.

நமது ஆகாயத்தை பாதுகாப்பதிலும், பேரிடர் காலங்களிலும் விமானப்படைதான் முன் நிற்கும் என்று குறிப்பிட்டுள்ளார்.