உக்ரைனில் மாயமாகிப்போன 5 இந்திய போர் விமானங்கள்: ரஷ்யா பரபரப்பு குற்றச்சாட்டு

உக்ரைனுக்கு மேம்படுத்தப் படுவதற்காக அனுப்பப்பட்ட இந்தியாவின் ஐந்து AN-32 ரக போர் விமானங்கள் மாயமாகிவிட்டதாக ரஷ்யா பரபரப்பு குற்றச்சாட்டு வைத்துள்ளது.
உக்ரைனுடன் இந்திய அரசு போட்ட ஒப்பந்தத்தின்படி கடந்த 2009-ம் ஆண்டு, உக்ரைனின் கீவ் மாகாணத்தை சேர்ந்த ஆண்டோநாவ் பிளாண்ட்டுக்கு, இந்திய விமானப்படைக்கு சொந்தமான 40 AN-32 ரக போர் விமானங்கள் மேம்படுத்தப் படுவதற்காக அனுப்பட்டுள்ளது.

இந்நிலையில் கடைசியாக அனுப்பப்பட்ட 5 இந்திய போர் விமானங்கள் நீண்ட காலமாகியும் திரும்பாததால், அவை மாயமாகிவிட்டதாக ரஷ்யா தெரிவித்துள்ளது.

ரஷ்யாவில் தயாரிக்கப்பட்ட AN-32 போர் விமானங்களை வாங்கியுள்ள இந்தியா அந்த விமானங்களை மேம்படுத்த உக்ரைனுக்கு அனுப்பி வருகிறது.

இதுபற்றி இந்திய பாதுகாப்புதுறை மந்திரி மனோகர் பரிக்கர் கூறுகையில், உக்ரைனுக்கும் ரஷ்யாவுக்கும் தற்போது பிரச்சனை நிலவி வருவதால், அந்த 5 விமானங்களையும் மேம்படுத்தும் வேலைகள் கிடப்பில் போடப்பட்டுள்ளதாக தெரிவித்துள்ளார்.