இந்திய வரைபடம் போல் வானில் தோன்றிய மேக கூட்டம்: பரவசத்தில் பொதுமக்கள்

ஈரோடு மாவட்டம் நம்பியூர் பகுதியில் மேகக்கூட்டம் திரண்டு வந்ததில் இந்திய வரைபடம் போல் காட்சி அளித்த்து கண்டு மக்கள் பரவசமடைந்துள்ளனர்.
ஈரோடு மாவட்டத்தில் பல பகுதிகளில் கடந்த சில தினங்களாக பரவலாக மழை பெய்து வந்துள்ளது.

மேலும் மாவட்டத்தின் பல பகுதிகளில் இடி மின்னலுடன் லேசான மழையும் காணப்பட்டது.

இதனிடையே நம்பியூர் பகுதியில் இடி மின்னலுடன் கருமேகக்கூட்டங்கள் திரண்டு வந்துள்ளது.

பலத்த மழை பெய்யும் என ஆவலுடன் இருந்த மக்களை ஏமாற்றியதுபோல் மழை மேகங்கள் கலைந்து சென்றுள்ளது.

மேகக் கூட்டம் திரண்டு வந்தபோது வானத்தை பார்த்த பொதுமக்களுக்கு அதன் தோற்றத்தை கண்டு மெய்சிலிர்த்துள்ளனர்.

அந்த மேகம் இந்திய வரைபடம் போன்று தத்ரூபமாக காட்சி அளித்துள்ளது. சில நிமிடங்கள் மட்டும் அப்படியே வானில் இருந்த அந்த அற்புத காட்சி கண்டு அப்பகுதி மக்கள் பரவசப்பட்டுள்ளனர்.