வானில் வெள்ளிக்கிரகமும் வியாழக்கிரகமும் அருகருகே தெரியும் அதிசயம்

வானத்தில் கடந்த சில நாட்களாக வெள்ளிக்கிரகமும் வியாழக்கிரகமும் அருகருகே தெரியும் அதிசயம் நிகழ்கிறது.
தமிழ்நாடு அறிவியல் தொழில்நுட்ப மைய செயல் இயக்குனர் பி.அய்யம்பெருமாள் இது குறித்து கூறுகையில், இரவில் வானத்தின் வடகிழக்கில் வெள்ளிக்கிரகமும் வியாழக்கிரகமும் அருகருகே தெரிகின்றன.

பூமியில் இருந்து 10 கோடி கி.மீ. தூரத்தில் உள்ள வெள்ளிக் கிரகம் மிகவும் பிரகாசமாக காட்சி அளிக்கிறது. வியாழன் 74 கோடி கி.மீ. தூரத்தில் இருக்கிறது.

இரு கிரகங்களும் பூமியை சுற்றி வரும்போது, வியாழன் விரைவில் பூமியை சுற்றிவிடும்.

ஆனால் வெள்ளி சுற்ற வருடக்கணக்கில் ஆகும். அவ்வாறு வெள்ளிக்கிரகம் சுற்றும் போது அது வியாழன் அருகே வருகிறது. எனவே வெள்ளிக்கிரகமும் வியாழக்கிரகமும் அருகருகே தெரியும்.

இந்த வருடம் இரு கிரகங்களும் அருகருகே தெரியும் காட்சி கடந்த 30ம் திகதி முதல் தொடங்கியுள்ளது. இதனை வரும் 4ம் திகதி வரை காணலாம்.

மேலும், தினமும் இரவில் 7 மணிமுதல் 8-15 மணிவரை அந்த காட்சியை காணலாம் என்று தெரிவித்துள்ளார்.