பெண்கள் தான் வேலையில்லாத் திண்டாட்டத்திற்கு காரணம்: சர்ச்சை கருத்து

பெண்கள் வேலைக்கு செல்வதால் தான் வேலையில்லாத் திண்டாட்டம் அதிகரிப்பதாக 10ம் வகுப்பு புத்தகத்தில் தெரிவிக்கப்பட்டுள்ளது சர்ச்சையை ஏற்படுத்தியுள்ளது.
சத்தீஸ்கர் அரசின் உயர்நிலைக் கல்வி வாரியம் வெளியிட்டுள்ள 10ம் வகுப்பு புத்தகத்தில் நாட்டில் வேலையில்லாத் திண்டாட்டம் அதிகரிக்க முக்கிய காரணங்கள் பற்றி குறிப்பிடப்பட்டுள்ளது.

அதில், பெண்கள் அனைத்து துறைகளிலும் அதிக அளவில் வேலை செய்யத் துவங்கியது தான் சுதந்திரத்திற்கு பிறகு நம் நாட்டில் வேலையில்லாத் திண்டாட்டம் அதிகரிக்க காரணம் என்று தெரிவிக்கப்பட்டுள்ளது.

தற்போது ஜஷ்பூர் மாவட்டத்தைச் சேர்ந்த பள்ளி ஆசிரியை ஒருவர் இது குறித்து மாநில பெண்கள் ஆணையத்திடம் புகார் தெரிவித்துள்ளார்.

மேலும், இது பற்றி மாநில முதல்வர் ராமன் சிங்கிடம் தெரிவிக்கப்படும் என்று ஆணையம் வாக்குறுதி அளித்துள்ளது.