எண்ணெய் வளத்தைக் கொள்ளையடிக்க முயலும் அமெரிக்காவுக்கு பதிலடியே பாரிஸ் தாக்குதல்: சர்ச்சை கருத்து

பாரிஸ் தாக்குதல் ஈராக் மீதான அமெரிக்க நடவடிக்கைக்கு பதிலடியே என உ.பி. அமைச்சர் சர்ச்சை கருத்தை தெரிவித்துள்ளார்.
உத்தரப்பிரதேச அமைச்சர் ஆசாம் கான் பாரிஸ் தாக்குதல் பற்றி கூறுகையில், தீவிரவாத தாக்குதல்கள் எங்கு நடந்தாலும் வன்மையாக கண்டிக்கத்தக்கதுதான்.

ஆனால் இத்தகைய தீவிரவாத தாக்குதல்களுக்கான அடிப்படை காரணம் என்ன என்பதையும் நாம் உணர வேண்டும்.

அமெரிக்காவும் அதன் மேற்குலக நட்பு நாடுகளும் சிரியா, லிபியா, ஈராக், ஆப்கானில் தங்களது சுயநலத்துக்காக ராணுவ நடவடிக்கைகளை மேற்கொண்டன.

அந்நாடுகளின் எண்ணெய் வளத்தைக் கொள்ளையடிக்க அமெரிக்கா தலைமையில் மேற்குலக நாடுகள் ராணுவ நடவடிக்கையில் ஈடுபட்டன.

ஐ.எஸ்.ஐ.எஸ். தீவிரவாதிகள் மீது தாக்குதல் நடத்துவதாக கூறி அப்பாவி மக்களை கொன்று குவிக்கின்றனர்.

எனவே, சிரியா மற்றும் ஈராக்கில் அமெரிக்கா உள்ளிட்ட மேற்குலக நாடுகள் மேற்கொண்ட நடவடிக்கைக்கு பதிலடி தான் இந்த பாரிஸ் தாக்குதலை என பேசியுள்ளார்.

தற்போது இவரது இந்த கருத்து பெரும் சர்ச்சையை ஏற்படுத்தி வருகிறது.