இயக்குனர் அமீரின் அலுவலகத்தில் கொள்ளையடிக்க முயன்ற கொள்ளையர்கள்

சென்னை கே.கே நகரில் உள்ள இயக்குனர் அமீரின் அலுவலகத்தில் கொள்ளையர்கள் புகுந்த சம்பவம் பரபரப்பை ஏற்படுத்தியுள்ளது.
பருத்தி வீரன், ஆதிபகவன் உள்ளிட்ட பல படங்களை இயக்கி இருப்பவர் அமீர். இவர் சில படங்களில் நடித்தும் உள்ளார்.

இவரது அலுவலகம் சென்னை கே.கே.நகரில் உள்ள சின்னப்பா தெருவில் அமைந்துள்ளது. முகமது என்பவர் ஊழியராக பணியாற்றி வருகிறார்.

இந்நிலையில் நேற்று இரவு அலுவலகத்தை பூட்டி விட்டு முகமது வெளியில் சென்றதாக கூறப்படுகிறது.

அவர் திரும்பி வந்து பார்த்தபோது அலுவலகம் திறந்திருந்தது. மேலும் பொருட்கள் அனைத்தும் சிதறி கிடந்துள்ளதாக கூறப்படுகிறது.

இதையடுத்து இயக்குனர் அமீருக்கு தகவல் தெரிவிக்கப்பட்டது. அலுவலகத்திற்கு சென்று பார்வையிட்ட அவர் பொருட்கள் எதுவும் கொள்ளை போகவில்லை என்பதை உறுதிப்படுத்தினர்.

ஆட்கள் நடமாட்டத்தை கண்டதும் கொள்ளை திட்டத்தை கைவிட்டு கொள்ளையர்கள் தப்பிச்சென்றிருக்கலாம் என்று கூறப்படுகிறது.

இது குறித்து அளிக்கப்பட்ட புகாரின் பேரில் கே.கே. நகர் பொலிசார் விசாரணை நடத்தி வருகின்றனர்.