சென்னையில் பசையை போதை பொருளாக பயன்படுத்தும் பள்ளி மாணவர்கள்

சென்னையில் பள்ளி மாணவர்கள் பிளாஸ்டிக், கண்ணாடி, நோட்டு புத்தகங்கள் ஒட்ட பயன்படுத்தப்படும் பசையை போதை பொருளாக பயன்படுத்துவது தெரியவந்துள்ளது.
ஒரு ரூபாய் தண்ணீர் பாக்கெட்டையும் அந்த பசையையும் வாங்கும் மாணவர்கள் காலி கவர் மீது சிறிதளவு பசையை தடவி, பின்னர் அந்த கவரை மடித்து கையில் வைத்து நன்றாக கசக்குகிறார்கள்.

பசையில் கலந்து இருக்கும் வேதிப்பொருள் பிளாஸ்டிக் கவருடன் கலந்து ஒருவிதமான நெடியை வெளியிடுகிறது.

அந்த நெடியை மூக்கில் வைத்து உறிந்து போதை ஏற்றி கொள்கின்றனர். இவர்கள் செய்யும் இந்த விபரீத பழக்கம் உடல் நலத்தை கெடுக்கிறது.

சென்னையில் பரங்கிமலை, ஆதம்பாக்கம் பகுதிகளில் பல மாணவர்கள் இந்த பழக்கத்துக்கு ஆளாகி வருவதாக கூறப்படுகிறது.