ஏர் இந்தியாவின் அலட்சியத்தால் பாரீஸில் சிக்கித் தவிக்கும் 40 பள்ளி மாணவர்கள்!

டெல்லியை சேர்ந்த 40 பள்ளி மாணவர்கள் பாரீஸில் உள்ள விமான நிலையத்தில் ஏர் இந்தியா நிறுவனத்தின் அலட்சியத்தால் உணவு, தண்ணீர் இன்றி தவித்து வருகின்றனர்.
டெல்லியில் உள்ள கே.ஆர். மங்களம் வேர்ல்ட் பள்ளியைச் சேர்ந்த 40 மாணவர்கள் 3 ஆசிரியர்களுடன், ஐரோப்பாவுக்கு கல்வி சுற்றுலா சென்றுள்ளனர்.

இத்தாலி, பிரான்ஸ், சுவிஸ், வாடிகன் உள்ளிட்ட இடங்களுக்கு சென்று சுற்றிப் பார்த்துள்ளனர்.

இந்நிலையில் நேற்று இரவு 10 மணிக்கு பாரீஸில் இருந்து ஏர் இந்தியா விமானம் மூலம் கிளம்ப வேண்டிய மாணவர்கள், விமானத்தின் தொழில்நுட்ப கோளாறு காரமணாக கிளம்ப இயலாத நிலை ஏற்பட்டது.

இதனால் மாணவர்கள் அனைவரும் பாரீஸ் விமான நிலையத்திலேயே 12 மணிநேரத்திற்கும் மேலாக தவித்து வருகின்றனர்.

மாணவர்களின் பெற்றோர் கூறுகையில், குழந்தைகளுக்கு உணவு, தண்ணீர் கூட வழங்காமல் ஏர் இந்தியா தவிக்க விட்டுள்ளதாக தெரிவித்துள்ளனர்.