உத்திரபிரதேசத்தில் ஏற்பட்ட பயங்கர தீ விபத்து: 10 பேர் உடல் கருகி பலி

by oviya Fri Jun 19, 2015 3:32 pm

உத்திரபிரதேசத்தில் தனியார் ஹொட்டலில் ஏற்பட்ட பயங்கர தீ விபத்தில் 10 பேர் உடல் கருகி உயிரிழந்துள்ளனர்.
பிரதாப்கர் மாவட்டத்தில் உள்ள ஹொட்டல் ஒன்றில், அதிகாலையில் பிடித்த தீ மளமளவென மற்ற இடங்களுக்கும் பரவியுள்ளது.

இந்த திடீர் பயங்கர தீ விபத்தில் ஹொட்டலில் தங்கியிருந்த வாடிக்கையாளர்கள் புகை மூட்டத்திலும் சிக்கி நிலை குலைந்துள்ளனர்.

இந்த தீ விபத்தில் சிக்கி இதுவரை 10 பேர் உயிரிழந்ததாகவும், 13 பேர் காயமடைந்துள்ளதாகவும் முதல்கட்ட தகவல்கள் வெளியாகியுள்ளன.

மேலும், காயமடைந்தவர்களில் மருத்துவமனையில் அனுமதிக்கப்பட்டுள்ளவர்கல் 5 பேரின் நிலைமை கவலைக்கிடமாக உள்ளதாக தெரிகிறது.

தற்போது தீயணைப்பு வாகனங்கள் தீயை அணைக்கும் பணியில் ஈடுபட்டுள்ளனர்.

இந்த தீ விபத்திற்கான காரணம் மின்கசிவாக இருக்கலாம் என்று தெரிகிறது.

மேலும், தீ விபத்தில் உயிரிழந்தவர்களின் குடும்பங்களுக்கு ரூ.2 லட்சம் வழங்க உத்திரபிரதேச அரசு உத்தரவிட்டுள்ளது குறிப்பிடத்தக்கது.