ஓமனில் நடந்த பயங்கர சாலை விபத்து: சம்பவ இடத்திலேயே பலியான தமிழர்கள்

ஓமன் தலைநகர் மஸ்கட்டில் நடந்த பயங்கர சாலை விபத்தில் 4 தமிழர்கள் உள்பட 7 பேர் பலியாகியுள்ளனர்.
ஓமன் தலைநகர் மஸ்கட்டில் இருந்து சலாலா நோக்கி பல நாட்டுத் தொழிலாளர்கள், அவர்களது குடும்பத்தினருடன் பேருந்தில் சென்றுள்ளனர்.

இந்நிலையில், விலாயட் ஹெய்மா என்ற இடத்தில் பேருந்து சென்ற போது எதிர் திசையில் வந்த காருடன் பயங்கரமாக மோதி விபத்துக்குள்ளானது.

பேருந்தில் இருந்த 30 நபர்களில் 7 பேர் சம்பவ இடத்திலேயே பலியானார்கள். மேலும், இந்த விபத்தில் 27 பேர் காயமடைந்தனர்.

காயமடைந்தவர்கள் நிஸ்வா மருத்துவமனை மற்றும் ஹெய்மா மருத்துவமனைகளில் அனுமதிக்கப்பட்டுள்ளனர்.

விபத்தில் இறந்தவர்களில் 3 பேர் ஓமன் நாட்டைச் சேர்ந்தவர்கள் என்றும், மற்ற நால்வரும் வேலூர் மாவட்டத்தைச் சேர்ந்த தமிழர்கள் என்று தெரிய வந்துள்ளது.

இறந்த தமிழர்களில் 3 பேரின் உடல்கள் அடையாளம் காணப்பட்டுள்ள நிலையில், இன்னொருவரின் உடல் அடையாளம் காணப்படாமல் உள்ளது.