மும்பையில் பிரபல மார்க்கெட்டில் பயங்கர தீ விபத்து: 50 கடைகள் எரிந்து நாசம்

by oviya Sun Oct 25, 2015 2:15 pm

மும்பையில் உள்ள பிரபல கிராபோர்ட் மார்க்கெட்டில் இன்று அதிகாலை பயங்கர தீ விபத்து ஏற்பட்டதில், 50 கடைகள் எரிந்து நாசமாகியுள்ளதாக தகவல்கள் வெளியாகியுள்ளது.
மகாராஷ்டிரா மாநிலம் மும்பையின் தென் பகுதியில் சத்ரபதி சிவாஜி முனையம் அருகே அமைந்துள்ள பிரபல கிராபோர்ட் மார்க்கெட்டில், இன்று அதிகாலை பயங்கர தீ விபத்து ஏற்பட்டுள்ளது.

இதையடுத்து தகவலறிந்து சம்பவ இடத்துக்கு தீயணைப்பு துறையினர் விரைந்துள்ளனர்.

தீயணைப்பு துறை அதிகாரி ஒருவர் இது குறித்து கூறுகையில், இன்று காலை 5.23 மணிக்கு எங்கள் கட்டுப்பாட்டு அறைக்கு அழைப்பு வந்தது.

இதையடுத்து 10 வாகனங்களில் வீரர்கள் சம்பவ இடத்திற்கு சென்று போராடி தீயை அணைத்தனர்.

இந்த விபத்தில் மார்க்கெட்டில் இருந்த 50 கடைகள் எரிந்து நாசமாகியுள்ளன.

அவை அனைத்தும் வாசனை திரவியங்கள், பேக்கிங் பொருட்கள் விற்பனை செய்யும் கடைகள் என தெரிவித்துள்ளார்.

மேலும், இந்த விபத்தில் உயிர் சேதம் எதுவும் இல்லை என்று தீயணைப்பு துறை அதிகாரிகள் தெரிவித்துள்ளனர்.