மாண்டியாவில் களைகட்டும் ஆமைக் கறி விற்பனை: சமூக ஆர்வலர்கள் எச்சரிக்கை

மாண்டியா மாவட்ட வனப்பகுதியில் விற்பனையாகும் ஆமைக் கறிக்கு, சுற்றுலாப் பயணிகளிடத்தில் ஆமோக வரவேற்பு ஏற்பட்டுள்ளது.
மாண்டியா மாவட்டம் முத்தாதி வனப்பகுதிக்கு உட்பட்ட இண்டுவாலு மற்றும் கே. ஷெட்டஹல்லி பகுதிகளில் ஆமைக் கறியின் ருசி மற்றும் மருத்துவ குணங்கள் காரணமாக, சுற்றுலாப் பயணிகள் பலரும் ஆமைக் கறியை வாங்கி சாப்பிடுவதில் ஆர்வம் காட்டுகின்றனர்.

இதனால், அப்பகுதியில் உள்ள பலர், ஆமைகளை வேட்டையாடி, அதனை தீயில் சுட்டு கறி சமைத்து விற்பனை செய்து வருகின்றனர்.

ஆமைகளின் இனப்பெருக்கம் பாதிக்கப்படும் அபாயம் ஏற்பட்டுள்ளதாக சமூக ஆர்வலர்கள் எச்சரிக்கை விடுத்துள்ளனர்.

இது குறித்து வனத்துறையிடம் கேட்டால், ஊழியர்கள் பற்றாக்குறை காரணமாக இதுபோன்ற நடவடிக்கைகளை எங்களால் தடுத்து நிறுத்த முடிவதில்லை என்று தெரிவித்துள்ளனர்.