செத்துப்போன மேகி.. மெளன அஞ்சலி செலுத்தும் மக்கள்: வைரலாகும் வீடியோ

மேகி நூடில்ஸ்க்கு தடை விதிக்கப்பட்டதை தொடர்ந்து மேகி செத்து விட்டதாக இணையத்தில் ஒரு இரங்கல் வீடியோ வெளியாகி கலகலப்பை ஏற்படுத்தியுள்ளது.
வீட்டை விட்டு தனியாக வசிக்கும் வாலிபர்களுக்கும், பெண்களுக்கும் மேகி ஒரு வரபிரசாதமாக இருந்து வந்தது. இந்நிலையில் மேகியில் வேதிப்பொருட்களின் தன்மை அதிகமாக இருப்பதாக தடை செய்யப்பட்டது.

இதனால் பாதி பேர் சோகமாக ஆகிவிட்டனர். இணையத்திலும் இது தொடர்பாக பல கருத்துக்களை கொட்டித் தீர்த்து வருகின்றனர்.

இந்நிலையில் மேகி செத்துவிட்டதாக ஒரு இரங்கல் வீடியோ கொமடியாக பரவி வருகிறது. இது மக்களின் வாழ்க்கையில் மேகி படுத்தும் பாட்டை அழகுற வெளிப்படுத்துவதாக உள்ளது.

சிறுவர்கள், கல்லூரி மாணவ, மாணவியர், இளைஞர்கள், பெண்கள் என அனைத்துத் தரப்பினரும் மேகி இல்லாமல் சாப்பிட முடியாமல் திண்டாடுவதாக இது உள்ளது.

இதில் பல தாய்மார்கள், தங்களது பிள்ளைகளுக்கு மேகி கொடுக்க முடியவில்லையே என்று சோகத்தில் கதறி அழுகிறார்கள். இந்த வீடியோ இணையத்தை கலக்கிக் கொண்டிருக்கிறது.