தன்சக் தால்

துவரம்பருப்பு - கால் கப்
பாசிப்பருப்பு - கால் கப்
வெங்காயம் - ஒன்று
தக்காளி - ஒன்று
பூண்டு - 4 பல்
பச்சை மிளகாய் - 2
இஞ்சி விழுது - சிறிது
காய்கறி கலவை - ஒரு கப்
ஸ்பினாச் - ஒரு கப்
உப்பு - தேவைக்கு ஏற்ப
கொத்தமல்லி - சிறிது
நெய், பெருங்காயம் - தாளிக்க
வறுத்து அரைக்க:
தனியா - ஒரு தேக்கரண்டி
காய்ந்த மிளகாய் - 4
மிளகு, சீரகம் - கால் தேக்கரண்டி
உளுந்து, கடலைப்பருப்பு - ஒரு தேக்கரண்டி
தேங்காய் - சிறிது



தேவையான பொருட்கள் அனைத்தையும் தயாராக எடுத்துக் கொள்ளவும்.


தனியா, காய்ந்த மிளகாய், மிளகு, சீரகம், கடலைப்பருப்பு, உளுந்து சேர்த்து வெறும் வாணலியில் வறுக்கவும். அதனுடன் தேங்காய் சேர்த்து ஆற வைத்து அரைக்கவும்.


குக்கரில் நெய் சேர்த்து காய்ந்ததும் வெங்காயம், பச்சை மிளகாய், இஞ்சி, பூண்டு, பெருங்காயம் சேர்த்து வதக்கவும்.


பின்பு காய்கறி கலவை சேர்த்து வதக்கவும்.


அலசிய கீரையை சேர்த்து பிரட்டவும்.


பின்பு ஊற வைத்த பருப்புகளை சேர்த்து வதக்கி தேவையான அளவு தண்ணீர் சேர்த்து வேக வைக்கவும்.


வெந்ததும் அரைத்த தேங்காய் விழுது, உப்பு சேர்த்து ஒரு கொதி வந்ததும் கொத்தமல்லி தூவி இறக்கவும்.


சுவையான தன்சக் தால் தயார்