பள்ளி மாணவியை 3 வருடமாக தொடர்ந்து கற்பழித்த தலைமையாசியர்!

சத்தீஸ்கர் மாநிலத்தில் தலைமையாசிரியர், 15 வயது பள்ளி மாணவி ஒருவரை 3 ஆண்டுகளாக தொடர்ந்து பலாத்காரம் செய்த சம்பவம் அதிர்ச்சியை ஏற்படுத்தியுள்ளது.
சத்தீஸ்கர் மாநிலத்தின் கோன்டாகோன் மாவட்டத்தில் அந்த மாணவி வசித்து வருகிறார். அந்த தலைமையாசிரியரின் செயலால் அந்த மாணவி கர்ப்பமடைந்ததுடன் கடந்த மாதம் குழந்தையையும் பெற்றெடுத்தாள்.

இது தொடர்பாக நேற்று பொலிசாரிடம் புகார் அளிக்கப்பட்டவுடன் தான் மாணவிக்கு நேர்ந்த இந்த கொடுமை வெளியே தெரியவந்ததாக கோன்டாகோன் மாவட்ட கூடுதல் காவல்கண்காணிப்பாளரான நிவேதிதா சர்மா கூறியுள்ளார்.

மேலும், மாணவி கர்ப்பமடைந்த செய்தி அறிந்ததும், இவ்விவகாரத்தை வெளியே சொன்னால் நடப்பதே வேறு என்று அந்த தலைமையாசிரியர், மாணவியையும் அவரது பெற்றோரையும் மிரட்டியதாகவும் கூறப்படுகிறது.

இந்தப் புகாரைத் தொடர்ந்து 52 வயதான அந்த தலைமையாசிரியர் ஜாகர்பாரா மாதவ் நாக் மீது வழக்கு பதிவு செய்யப்பட்டது.

மேலும், அவரை கைது செய்வதற்காக அவரது சொந்த ஊரான சிஹாவாவுக்கு பொலிசார் விரைந்துள்ளனர்.