தன்னை கற்பழித்த காமுகனையே மணமுடித்த இளம்பெண்

ஒடிஷா மாநிலத்தில் இளம்பெண்ணை பலாத்காரம் செய்த குற்றவாளியே அந்த பெண்ணை திருமணம் செய்துள்ளார்.
ஒடிஷா மாநிலம் புவனேஸ்வரைச் சேர்ந்த திலிப் பெஹ்ரா(32) என்ற கார் ஓட்டுனர், கடந்த ஆண்டு ஜனவரி மாதம் 23ம் திகதி பேருந்துக்காக காத்திருந்த 22 வயது பெண் ஒருவரை கடத்தியுள்ளார்.

மேலும், ஆள் நடமாட்டமில்லாத இடத்திற்கு அந்த பெண்ணை கொண்டு சென்று பலாத்காரம் செய்துள்ளார்.

இதையடுத்து அந்த பெண் இது குறித்து அந்த பொலிசாரிடம் புகார் அளித்துள்ளார்.

அவரது புகாரின்பேரில் வழக்குப்பதிவு செய்த பொலிசார் பெஹ்ராவை கைது செய்து நீதிமன்ற காவலில் வைத்துள்ளனர்.

இந்நிலையில் பெஹ்ராவும், பாதிக்கப்பட்ட பெண்ணும் திருமணம் செய்துகொள்ள அனுமதி கோரி மாவட்ட நீதிமன்றத்தில் கூட்டாக மனு அளித்துள்ளனர். இதையடுத்து இது குறித்து நீதிமன்றம் இருவரின் கருத்துகளையும் கேட்டறிந்துள்ளது.

பிறகு பெஹ்ராவின் திருமணத்திற்கு ஏற்பாடு செய்யுமாறு நீதிமன்றம் சிறை அதிகாரிகளுக்கு உத்தரவிட்டதையடுத்து, சிறை அதிகாரிகள் திருமணத்திற்கு ஏற்பாடு செய்துள்ளனர்.

எனவே புதன்கிழமை பெஹ்ரா இந்து முறைப்படி தன்னால் பாதிக்கப்பட்ட பெண்ணை திருமணம் செய்துள்ளார்.

மேலும், தன்னை திருமணம் செய்து கொண்ட பெஹ்ராவை விடுதலை செய்யக் கோரி அந்த பெண் விரைவில் நீதிமன்றத்தை அணுக உள்ளதாக அவரின் வழக்கறிஞர் தெரிவித்துள்ளார்.