எனது ஆட்சியால் இந்தியாவை திரும்பிப் பார்க்கும் உலகநாடுகள்: மோடி பேச்சு (வீடியோ இணைப்பு)

மூன்று நாடுகள் சுற்றுப்பயணம் மேற்கொண்டுள்ள பிரதமர் மோடி, இறுதிக்கட்டமான தென்கொரியாவில் இந்திய வம்சாவளியை சேர்ந்த மக்கள் முன் உரையாற்றியுள்ளார்.
முதலில் சீனா சென்ற மோடி, பின்னர் அங்கிருந்து மங்கோலியா சென்றார். அதனைத் தொடர்ந்து மங்கோலியாவில் இருந்து புறப்பட்ட மோடி, இன்று காலை தென்கொரியா சென்றடைந்தார்.

விமான நிலையத்தில் வந்திறங்கிய மோடிக்கு உற்சாக வரவேற்பு அளிக்கப்பட்டது. தென்கொரியாவில் வசிக்கும் இந்தியர்கள் பிரதமர் மோடியை நேரில் காண குவிந்திருந்தனர்.

அந்நாட்டு தலைநகர் சியோலில் இந்திய வம்சாவளியை சேர்ந்தவர்கள் முன் உரையாற்றிய மோடி, தனது ஒரு வருட ஆட்சியால், இந்தியா மீதான உலக நாடுகளின் பார்வை மாறியுள்ளது.

கட்டிடங்கள் கட்டுவதும், நல்ல சாலைகளை அமைப்பது மட்டும் வளர்ச்சியல்ல. மக்களின் வாழ்க்கை தரத்தை உயர்த்துவது தான் உண்மையான வளர்ச்சி.

இதற்கு முன்னர் இந்தியாவில் ஏன் பிறந்தோம் என்று கவலைப்பட்ட மக்கள், நல்ல வாய்ப்புக்காக நாட்டை விட்டு வெளியேற விரும்பினர்.

ஆனால் தற்போது வெளிநாட்டில் கிடைக்கும் ஊதியத்தை விட குறைவான ஊதியம் கிடைத்தாலும் தாய்நாட்டுக்கு திரும்ப விரும்புகின்றனர் என்று மோடி தெரிவித்துள்ளார்.