தீர்ப்பை திருத்த அணுகிய நீதிபதி குமாரசாமி..சந்திக்க மறுத்த கர்நாடக தலைமை நீதிபதி: பரபரப்பு தகவல்

கர்நாடக தலைமை நீதிபதி , சொத்துக்குவிப்பு வழக்கில் இருந்து ஜெயலலிதாவை விடுவித்த தீர்ப்பை திருத்த அணுகிய நீதிபதி குமாரசாமியை சந்திக்க மறுத்துவிட்டதாக தகவல் வெளியாகியுள்ளது.
கர்நாடக உயர் நீதிமன்ற சிறப்பு நீதிபதி குமாரசாமி சொத்துக்குவிப்பு வழக்கில் இருந்து ஜெயலலிதா உள்பட 4 பேரை விடுதலை செய்து கடந்த 11ம் திகதி தீர்ப்பளித்தார்.

இந்த தீர்ப்பு வெளியானதை அடுத்து, தீர்ப்பில் பிழை இருந்தது தெரியவந்ததால் பெரும் பரபரப்பு ஏற்பட்டது.

இதையடுத்து நீதிபதி குமாரசாமி, தனது உதவியாளர்களுடன் அவசர ஆலோசனை நடத்திய பின்னர், உயர் நீதிமன்ற பதிவாளரை குமாரசாமி சந்தித்ததாக கூறப்பட்டது.

அப்போது சில திருத்தங்களை நீதிபதி குமாரசாமி கூறியதாகவும், அதற்கு பதிவாளர் சில விளக்கங்களை தெரிவித்ததாகவும் தகவல்கள் வெளியானது.

இந்நிலையில், சொத்துக்குவிப்பு வழக்கின் தீர்ப்பை திருத்தக் கூடாது என உச்ச நீதிமன்ற வழக்கறிஞர் கிருஷ்ணமூர்த்தி, கர்நாடக உயர் நீதிமன்ற பதிவாளர் பட்டீலிடம் இன்று மனு ஒன்றை தாக்கல் செய்தார்.

அந்த மனுவை ஏற்க மறுத்த கர்நாடக உயர் நீதிமன்ற பதிவாளர், தீர்ப்பை மாற்ற நீதிபதி குமாரசாமி 3 முறை தலைமை நீதிபதியை சந்திக்க முயன்றும், அவரை சந்திக்க தலைமை நீதிபதி மறுத்துவிட்டார்.

பின்னர் தலைமை நீதிபதியுடன் நடந்த உயர்மட்ட ஆலோசனையில், இந்த தீர்ப்பில் எந்த மாற்றமும் செய்ய கூடாது என்றும், உச்ச நீதிமன்றத்துக்கு தீர்ப்பு நகல் அனுப்பி வைக்கப்படும் எனவும் முடிவு செய்யப்பட்டது.

மேலும், இந்த சொத்துக்குவிப்பு வழக்கில் கர்நாடக உயர் நீதிமன்றத்தின் பணி முடிந்துவிட்டது.

இனிமேல், இந்த வழக்கின் தீர்ப்பு பற்றி உச்ச நீதிமன்றமே தீர்வு காண முடியும் என தெரிவித்துள்ளார்.

கர்நாடக தலைமை நீதிபதி தீர்ப்பை திருத்த முயன்ற நீதிபதி குமாரசாமியை சந்திக்க மறுத்துள்ள சம்பவம் தற்போது பெரும் பரபரப்பை ஏற்படுத்தியுள்ளது.