இருவேறு விசாரணை பிரிவுகளிடம் சிக்கிய கோத்தா

முன்னாள் பாதுகாப்பு செயலாளர் கோத்தபாய ராஜபக்சவிடம் இலஞ்ச ஊழல் ஒழிப்பு ஆணைக்குழு விசாரணைகளை மேற்கொண்டு வருகின்றது.
அவர் இன்றைய தினம் விசாரணைகளுக்கு உட்படுத்தப்பட்டுள்ளதாக பொலிஸ் ஊடக பிரிவு தெரிவித்துள்ளது.

கோத்தபாய ராஜபக்சவுக்கு எதிராக முன்வைக்கப்பட்ட முறைப்பாடு ஒன்றின் அடிப்படையிலேயே அவர் இன்று விசாரணைக்கு உட்படுத்தப்பட்டுள்ளார்.

இதேவேளை முன்னாள் பாதுகாப்பு செயலாளர் கோத்தபாய ராஜபக்ச எதிர்வரும் 20ம் திகதி பொலிஸ் நிதி மோசடி பிரிவின் விசாரணைகளுக்கு வருமாறு அழைக்கப்பட்டுள்ளார்.

முன்னாள் பாதுகாப்பு செயலாளரிடம் இன்று விசாரணைகள் மேற்கொள்ளப்படவிருந்த நிலையில் இவரை எதிர்வரும் 20ம் திகதி வருமாறு அழைப்பு விடுக்கப்பட்டுள்ளதாக அவரின் சட்டத்தரணி ஊடகங்களுக்கு கருத்து தெரிவித்துள்ளார்.