19 வது திருத்தச் சட்டத்தின் இரண்டாம் முறை வாசிப்பு மீதான விவாதம் 9 ஆம் 10 ஆம் திகதிகளில்

by oviya Sat Mar 28, 2015 12:10 pm

நிறைவேற்று அதிகாரம் கொண்ட ஜனாதிபதியின் அதிகாரங்களை வரையறுக்கும் 19வது அரசியலமைப்புத் திருத்தச் சட்டம் தொடர்பான இரண்டாம் முறை வாசிப்பு மீதான விவாதம் ஏப்ரல் 9 மற்றும் 10 ஆம் திகதிகளில் நடைபெறவுள்ளது.
இந்த விவாதத்திற்காக நாடாளுமன்றத்தில் பத்தரை மணித்தியாலங்கள் ஒதுக்கப்பட்டுள்ளதாக நாடாளுமன்றத்தின் தகவல்கள் தெரிவிக்கின்றன.

முதல் நாள் விவாதம் ஏப்ரல் 9 ஆம் திகதி பிற்பகல் 2 மணி முதல் பிற்பகல் 7.30 வரை நடைபெறவுள்ளதுடன் இரண்டு நாள் விவாதம் மதியம் 1.30 முதல் பிற்பகல் 6.30 வரை நடைபெறவுள்ளது. கட்சி தலைவர்கள் இதற்கு இணக்கத்தை வெளியிட்டுள்ளனர்.

எவ்வாறாயினும் 19வது அரசியலமைப்புத் திருத்தச் சட்டம் நாட்டின் அரசியலமைப்புச் சட்டத்திற்கு முரணானது எனக் கூறி, உயர் நீதிமன்றத்தில் 3 மனுக்கள் தாக்கல் செய்யப்பட்டுள்ளன.

இந்த மனுக்கள் மீதான விசாரணைகள் ஏப்ரல் 1 ஆம் மற்றும் 2 ஆம் திகதிகளில் நடைபெறவுள்ளதுடன் உயர் நீதிமன்றம் எதிர்வரும் 9 ஆம் திகதிக்கு முன்னர் தீர்ப்பை ஜனாதிபதிக்கும் சபாநாயகருக்கும் அனுப்பி வைக்க உள்ளதாக நீதிமன்ற வட்டாரங்கள் தெரிவிக்கி்ன்றன.