தூக்கிவீசப்பட்ட ஜெயலலிதா, கருணாநிதி: நகராட்சி கூட்ட ரகளை

by oviya Fri Mar 13, 2015 1:50 pm

புதுக்கோட்டை மாவட்டத்தில் இன்று நடைபெற்ற நகராட்சி கூட்டத்தில் ஏற்பட்ட மோதலில் ஜெயலலிதா மற்றும் கருணாநிதியின் படங்கள் தூக்கிவீசப்பட்டன.
புதுக்கோட்டை நகராட்சி கூட்டம் இன்று 13ம் திகதி காலை 10 மணிக்கு நகராட்சி தலைவர் அ.தி.மு.க ராஜசேகர் தலைமையில் தொடங்கியது.

அப்போது உள்ளே நுழைந்த தி.மு.க கவுன்சிலர்கள் சுப.சரவணன், அறிவுடைநம்பி ஆகியோர் சமீபத்தில் விடப்பட்ட ஏலத்தில் முறைகேடு நடந்துள்ளது என்றும், இதனால் நகராட்சிக்கு இழப்பீடு ஏற்பட்டுள்ளது எனவும் குரல் எழுப்பியுள்ளனர்.

இதைப் பார்த்த அ.தி.மு.க கவுன்சிலரான பாஸ்கர் கலைஞர் படத்தை எடுத்து உடைத்தார். அதைப் பார்த்த தி.மு.கவினர், பதிலுக்கு ஜெயலலிதா படத்தை தூக்கி வீசினார்கள்.

பின்னர் ஜெயலலிதா படத்தை மட்டும் எடுத்து சுவற்றில் மாட்டப்பட்டது, கலைஞர் படத்தை மாட்ட அனுமதி வழங்கவில்லை.

இதனைத் தொடர்ந்து, தி.மு.க கவுன்சிலர்கள், கமிஷனரிடம் புகார் கொடுத்துள்ளனர்.