போதையில் யானையை கட்டிபிடித்து நலம் விசாரித்த நபர்: துவம்சம் செய்த யானை

உடன்குடியில் குடிபோதையில் யானையை கட்டிப்பிடித்த தொழிலாளி ஒருவரை யானை தூக்கி வீசியதால் தொழிலாளி படுகாயம் அடைந்துள்ளார்.
தூத்துக்குடி மாவட்டத்தில் உள்ள குலசேகரன்பட்டினம் பள்ளிவாசலுக்கு சொந்தமான யானை ஒன்று உள்ளது.

அந்த யானையை நேற்று காலை உடன்குடி பகுதியில் நடந்த விழாவுக்கு பாகன் அழைத்து சென்றுள்ளார்.

அப்போது உடன்குடி பஜாரில் யானை வந்து கொண்டிருந்தபோது, அந்த வழியாக சென்ற தொழிலாளி ஒருவர், போதையில் வந்துள்ளார்.

இந்நிலையில், யானையின் அருகே சென்ற அவர், யானையிடம் பேசியவாறே கட்டிப்பிடித்து முத்தம் கொடுத்துள்ளார்.

இதனால் மிரண்டுபோன யானை,அந்த நபரை தும்பிக்கையால் தூக்கி வீசியது.

மீண்டும் கோபம் தணியாத யானை, துரத்தி சென்று மீண்டும் அவரை தாக்கியதில் அவர் கால்நசுங்கி ரத்த வெள்ளத்தில் அலறியுள்ளார்.

இதையடுத்து அங்கெ வந்த பாகன், யானையை சாந்தப்படுத்தியுள்ளார். மேலும் படுகாயமடைந்த அந்த தொழிலாளி, திருச்செந்தூர் அரசு மருத்துவமனையில் சிகிச்சைக்காக சேர்க்கப்பட்டார்.