நள்ளிரவில் சாலையில் மனித மண்டை ஓடுகளை விற்பனை செய்த நபர்

விழுப்புரத்தில் நள்ளிரவு வேலையில் சாலையோரம், மனித உடல்களில் இருந்து எடுக்கப்பட்ட எலும்பு கூடுகள் விற்பனை செய்யப்பட்டதால் பெரும் பரபரப்பு ஏற்பட்டுள்ளது.
விழுப்புரம் கே.கே., ரோடு முருகன் கோவில் தெருவை சேர்ந்த பாபு என்ற பெயிண்டர் நேற்றிரவு 11 மணியளவில் குடி போதையில் சாலையில் சென்றுள்ளார்.

இவர் அருகில் இருந்த சுடுகாடு ஒன்றில் புதைக்கப்பட்டிருந்த சடலத்தின் மண்டை ஓடுகள், கால் மற்றும் கை எலும்புகளை தோண்டியெடுத்து, சாலை நடுவில் வரிசையாக அடுக்கி வைத்துவிட்டு, அமர்ந்திருந்துள்ளார்.

இதனால் அதிர்ச்சியடைந்த பொதுமக்கள், இதுகுறித்து விழுப்புரம் டவுன் பொலிசாருக்கு தகவல் தெரிவித்துள்ளனர்.

தகவலறிந்த சம்பவ இடத்திற்கு விரைந்து வந்த அவர்கள் விசாரனை நடத்தியதில், சுடுகாட்டில் எலும்புகளை திருடி வந்து கல்லூரியில் படிக்கும் மாணவர்கள் ஆய்வுக்காகவும், மந்திரம், கொரளி பூஜைகளுக்கு மந்திரவாதிகள் வந்து 5000 ரூபாய் வரை விலை வைத்து வாங்கி செல்வதாகவும் அதற்காக விற்பதாக தெரிவித்துள்ளார்.

இதனைக் கேட்டு அதிர்ச்சி அடைந்த பொலிசார், அவரை கண்டித்து எலும்புகளைக் கைப்பற்றி அப்புறப்படுத்தியுள்ளனர்.