சாலையில் வாயில் மனித கையுடன் கிடந்த அனகொண்டா பாம்பு: பீதியில் உறைந்த மக்கள்

பெங்களூரில் பிரதான சாலை ஒன்றில் அனகொண்டா பாம்பு தனது வாயில் மனிதனின் கையுடன் கிடந்ததை பார்த்த பொதுமக்கள் பீதி அடைந்துள்ளனர்.
பெங்களூரின் மேம்பாட்டுக்காக பாடுபடும் ”நம்ம பெங்களூர் பவுன்டேஷன்” என்ற அமைப்பு தெருக்களில் உள்ள குழிகளை அடைக்க முயற்சி செய்யாத மாநகராட்சியின் கவனத்தை ஈர்க்க திட்டமிட்டுள்ளது.

இதையடுத்து அனகொண்டா பாம்பு பொம்மையை செய்து அதை பெங்களூரில் உள்ள யஷ்வந்த்பூரில் இருக்கும் சாலையில் வைத்துள்ளனர்.

மேலும் அதன் வாயில் மனித கை ரத்தக்கறையுடன் இருந்ததை பார்த்த பொதுமக்கள், பெரிய குழியில் இருந்து அனகொண்டா பாம்பு தலையை நீட்டுவதை பார்த்து முதலில் பீதி அடைந்தனர்.

பெங்களூரில் அதிகரித்து வரும் குண்டு குழி பிரச்சனை, நோய்கள், தண்ணீர்தேக்கம் குறித்து மாநகராட்சி அதிகாரிகளின் கவனத்தை ஈர்க்கவே இந்த வித்தியாசமான முயற்சியை மேற்கொண்டுள்ளனர்.