நள்ளிரவில் வானில் வட்டமிடும் வினோத உருவங்கள்..பீதியில் உறைந்த பொது மக்கள்

ஆந்திராவில் இரவு வேளையில் வானத்தில் வெள்ளி சிறகுகளுடன் சில உருவங்கள் ஜோடி, ஜோடியாக பறப்பதாக தகவல் பரவியுள்ளது.

நெல்லூர் நகரில் உள்ள குறிப்பிட்ட சில பகுதிகளில் இரவு 8 மணி முதல் நள்ளிரவு 12 மணி வரை, வானில் வெள்ளி சிறகுகளுடன் சில உருவங்கள் பறப்பதை பொதுமக்கள் பார்த்து அதிர்ச்சியடைந்துள்ளனர்.

முதலில் அவை நாரை, கொக்கு போன்ற பறவைகள் என நினைத்துள்ளனர்.

ஆனால் அவை மனித உருவில் உள்ளதாகவும், மிக உயரத்தில் பறந்து கொண்டே திடீரென பூமிக்கு அருகில் வந்து மீண்டும் வானத்தை நோக்கி சென்று விடுவதாகவும் பொதுமக்கள் தெரிவிக்கின்றனர்.

அவற்றை சிலர் பேய், பிசாசு என்றும், சிலர் தேவ தூதர்கள் எனவும் கூறி வருகின்றனர்.

இதனால் இப்பகுதியில் இரவு 8 மணிக்கு மேல் பொது மக்கள் வெளியே தலைகாட்டவே மிகவும் பயப்படுகின்றனர்.

பிரேசிலில் பறந்த தேவதைகள்

இது போல் கடந்த 2014ம் ஆண்டு பிரேசில் நாட்டில் கிரேக்க தேவதைகள் போல் இறக்கையுடன் பறந்த மனித உருவங்கள் சிலவற்றை அந்நாட்டை சேர்ந்த போவிஸ்டா என்பவர் வீடியோ எடுத்து யூடியூப்பில் பதிவு செய்துள்ளார்.

ஆந்திராவில் பறந்ததாக கூறப்படும் உருவங்கள் பிரேசிலில் பறந்த உருவங்களை போல் ஒத்த தன்மை கொண்டதாக உள்ளதாக கூறப்படுகிறது.