ரயில் இன்ஜினில் அகோரமாக தொங்கிய சடலம்! பீதியில் உறைந்த மக்கள்

பெங்களூரிலிருந்து நாகர்கோயில் செல்லும் தினசரி எக்ஸ்பிரஸ் ரயிலின் முன் பக்கத்தில் வாலிபரின் சடலம் ஒன்று தொங்கிக் கொண்டிருந்ததால் அங்கு பரபரப்பு ஏற்பட்டது.
நெல்லையில் ஜங்ஷன் ரயில் நிலையத்திற்கு இன்று காலை 5.45 மணியளவில் வந்த அந்த தினசரி எக்ஸ்பிரஸில் இடம் பிடிப்பதற்காக பயணிகள் ஏறினார்.

ஆனால் ரயில் இன்ஜின் முன்பு அகோரமாக தொங்கிக் கொண்டிருந்த ஆண் சடலத்தால் அதிர்ச்சியடைந்த பயணிகள் இது தொடர்பாக பொலிசாருக்கு தகவல் கொடுத்தனர்.

பொலிசார் வந்து சடலத்தை பார்வையிட்டனர். அப்போது கால்கள் துண்டாகி ரத்தம் வழிந்து நின்று போயிருந்தது. கால் சட்டையில்லாமல் உள்ளாடையுடன் அந்த ஆண் சடலம் தொங்கிக் கொண்டிருந்தது.

இதனையடுத்து அந்த சடலத்தை இன்ஜினில் இருந்து மீட்டு பிரேதப் பரிசோதனைக்கு அனுப்பி வைத்தனர்.

ரத்த கறை தொடங்கிய பகுதியை வைத்து பார்க்கும் போது, சுமார் 6 கி.மீ தொலைவிலுள்ள தட்சநல்லூர் பகுதியில் அந்த வாலிபர் ரயில் முன்பு பாய்ந்திருக்க வேண்டும் என்று பொலிசார் தெரிவித்துள்ளனர்.