19வது திருத்தச் சட்டம் சுதந்திரக் கட்சியிடம் கையளிப்பு!

19வது அரசியலமைப்புத் திருத்தச் சட்டம் நாடாளுமன்றத்தில் சமர்ப்பிக்கப்படும் முன்னர் அரசாங்கம் அதனை ஸ்ரீலங்கா சுதந்திரக் கட்சியிடம் வழங்கியுள்ளது.
பிரதமர் ரணில் விக்ரமசிங்க, அதனை எதிர்க்கட்சித் தலைவர் நிமல் சிறிபால டி சில்வாவிடம் வழங்கியுள்ளார்.

அமைச்சரவை அமைச்சர்களின் எண்ணிக்கையை 30 ஆக குறைப்பது, 17வது திருத்தச் சட்டத்தின் மூலம் கொண்டு வரப்பட்ட சுயாதீன ஆணைக்குழுக்களை வலுப்படுத்துவது, ஒருவர் ஜனாதிபதி பதவியை வகிக்கும் கால வரையறையை நீக்கிய 18வது திருத்தச் சட்டத்தை இரத்துச் செய்வது ஆகிய திருத்தங்கள் 19வது அரசியலமைப்புத் திருத்தச் சட்டத்தில் உள்ளடக்கப்பட்டுள்ளது.

இந்த திருத்தச் சட்டத்தை நாடாளுமன்றத்தில் மூன்றில் இரண்டு பெரும்பான்மை பலத்தில் நிறைவேற்ற வேண்டும் என்பதால், ஸ்ரீலங்கா சுதந்திரக் கட்சியின் இணக்கத்தை பெறுவதற்காக திருத்தச் சட்டம் அந்த கட்சியிடம் ஒப்படைக்கப்பட்டுள்ளது.