கைதியை சந்திப்பதா? நடிகர் அர்ஜுனுக்கு சம்மன்

பிரபல இந்தி நடிகர் அர்ஜுன் ராம்பால், ஆயுள் தண்டனைக் கைதி அருண் காவ்லியை சிறைக்கு சென்று சந்தித்துள்ளார்.
இந்தி நடிகர் அுஜுன் ராம்பால், 2007ல் நிகழ்ந்த ஒரு கொலை வழக்கில் ஆயுள் தண்டனை பெற்ற அருண் காவ்லி என்ற கைதியை பொலிசாரின் முறையான அனுமதியின்றி நேரில் சந்தித்துள்ளார்.

இதுகுறித்து காவல் துறையினர் கூறுகையில், இருவரும் சந்தித்து கொண்டது குறித்து விசாரணை நடத்தி வருகிறோம். இதுதொடர்பாக, விசாரணைக்கு ஆஜராகுமாறு நடிகர் அர்ஜுன் ராம்பாலுக்கு சம்மன் அனுப்பியுள்ளோம்.

உரிய அதிகாரியின் அனுமதியின்றி குற்றவாளி அருண் காவ்லியை சந்திக்க யாருக்கும் அனுமதி கிடையாது என்று தெரிவித்துள்ளனர்.

இந்நிலையில் நடிகர் அர்ஜுன் ராம்பால் "டேடி” என்ற திரைப்படத்தில் காவ்லியின் கதாபாத்திரத்தில் நடித்து வருவதாகவும், அதனால் காவ்லியை பற்றி புரிந்து கொண்டு நடிப்பதற்காக, அவரைச் சந்தித்து பேசினார் என்றும் தகவல்கள் வெளியாகியுள்ளன.