உமாஓய திட்டத்தை உடனடியாக நிறுத்தவும்: ஹரின் பெர்னாண்டோ

ஈரான் - இலங்கை அரசாங்கத்தின் கீழ் கட்டுமான பணிகளில் உள்ள உமாஓய திட்டத்தை நிறுத்தவும் இல்லை என்றால் மாற்று பாதையை பயன்படுத்துமாறு ஊவா மாகாண முதலமைச்சர் ஹரின் ஜனாதிபதிக்கும் பிரதமருக்கும் கடிதம் மூலம் முறைப்பாடு வழங்கியுள்ளார்.
ஈரான் - இலங்கை அரசாங்கத்தின் கீழ் இயங்கும் உமாஓய திட்டம் வெலிமடை ஊவா பரனகம பிரதேசத்தில் ஆரம்பித்து பண்டாரவளை, எல்ல, வெல்லவாய ஊடாக தற்பொழுது நீண்ட சுரங்கங்கள் கட்டப்படுகின்றது.

இத் திட்டம் சூழலை மாசுபடுத்தி கட்டப்படுகின்றதனால் உடனடியாக கட்டுமான பணிகளை நிறுத்துமாறு கோரிக்கை ஒன்றினை முன்வைத்து ஊடக சந்திப்பொன்று இடம்பெற்றது. இதில் கலந்து கொண்ட ஹரின் பெர்னாண்டோ, உமாஓய திட்டம் மக்களின் வேண்டுகோளின்றி கடந்த அரசாங்கம் ஆரம்பித்துள்ளதாக தெரிவித்தார்.

இத் திட்டத்தின் மூலம் சூழலை பாதுகாப்பதற்கான எந்தவித நடவடிக்கையும் மேற்கொள்ளப்படவில்லை எனவும் அவர் குற்றம் சாட்டியுள்ளார்.