சாவதற்கு முன்னால் சசிதரூர் முகமூடியை கிழிப்பேன்: சுனந்தா போட்ட சபதம்

மர்மமான முறையில் மரணமடைந்த சுனந்தா பற்றி தகவல்கள் தினம் தினம் வெளியான வண்ணம் உள்ளன.
சுனந்தா இறப்பதற்கு முன்பாக ஐபிஎல் சூதாட்டம், முறைகேடுகள் தொடர்பாக அதிகம் டிவிட் செய்து வந்தார்.

எனவே ஐபிஎல் சூதாட்ட நிழலுலக தாதாக்களும், இவரது கொலைக்கும் தொடர்புள்ளதா என்ற கோணத்திலும் டெல்லி பொலிசார் விசாரணை நடத்தி வருகின்றனர்.

இந்நிலையில் தான் பிரபல நாளிதழின் பத்திரிகையாளர் ராகுல் கன்வாலிடம் டெல்லி பொலிசார் விசாரணை நடத்தியுள்ளனர்.

அந்த விசாரணை தகவல்கள் கசிந்துள்ளன.

பொலிசாரிடம் ராகுல் கன்வால் அளித்துள்ள வாக்குமூலத்தில், சுனந்தா புஷ்கர் ஐபிஎல் முறைகேடுகள் குறித்து டிவிட் செய்து வந்ததை பார்த்து, அதுகுறித்து அவரிடம் சிறப்பு பேட்டி வாங்க திட்டமிட்டேன்.

இதுகுறித்து அவரை தொடர்பு கொண்டு கேட்டதும், உடனடியாக நேர்காணலுக்கு சம்மதித்தார். அது எனக்கே சற்று ஆச்சரியமாகத்தான் இருந்தது.

நான் டிபி நோயால் பாதிக்கப்பட்டுள்ளேன். எப்படியிருந்தாலும் சாகத்தான் போகிறேன். நான் சாவதற்கு என்பாக, சசிதரூர் குறித்து வெளி உலகத்திற்கு காண்பித்துவிட்டுதான் சாவேன் என்று தெரிவித்திருந்தார்.

இந்நிலையில் தான் சுனந்தா இறந்த செய்தி எனக்கு அதிர்ச்சியை ஏற்படுத்தியது என்று கூறியுள்ளார்.