த.தே.கூ கோரிக்கைக்கு அமைவாக வாக்களித்த மக்களுக்கு நன்றி: கி.மா உறுப்பினர் துரைராஜசிங்கம்

தமிழ் தேசியக் கூட்டமைப்பின் கோரிக்கைக்கு அமைவாக மக்கள் பொது எதிரணி வேட்பாளராக போட்டியிட்ட தற்போதைய ஜனாதிபதியுமாகிய அதிமேதகு மைத்திரிபால சிறிசேன அவர்களுக்கு ஆதரவு தெரிவித்தமைக்கு கிழக்கு மாகாண சபை உறுப்பினரும் இலங்கைத் தமிழ் அரசுக் கட்சியின் பொதுச் செயலாளருமாகிய துரைராஜசிங்கம் நன்றி தெரிவித்தார்.
கல்குடா தேர்தல் தொகுதியின் எல்லைப் புற கிராமங்களுக்கு ஞாயிற்றுக்கிழமை நேரில் சென்று மக்களுடன் கலந்துரையாடி நன்றிகளையும் தெரிவித்தார்.

இம்முறை இடம்பெற்ற ஜனாதிபதித் தேர்தலில் தமிழ் தேசியக் கூட்டமைப்பின் கோரிக்கைக்கு அமைவாக மக்கள் பொது எதிரணி வேட்பாளராக போட்டியிட்ட தற்போதைய ஜனாதிபதியுமாகிய அதிமேதகு மைத்திரிபால சிறிசேன அவர்களுக்கு வாக்குகளை வழங்கி மட்டக்களப்பு மாவட்டத்தில் அவரை பெருவாரியான வாக்குகள் வித்தியாசத்தில் வெற்றிபெறச் செய்தமைக்காகவே இவர் நன்றிகளை தெரிவித்தார்.

இவர் மட்டக்களப்பின் எல்லைப்புற கிராமங்களாகிய வடமுனை, ஊத்துச் சேனை, வாகனேரி, மயிலத்தமடு, கயான்கேணி, ஆறுமுகத்தான் குடியிருப்பு போன்ற பிரதேசங்களுக்கு அவர் விஜயத்தினை மேற்கொண்டமை குறிப்பிடத்தக்கது.