மழையால் பாதிக்கப்பட்டவர்களுக்கு உணவு வழங்கும் தொடர் பணியில் வைகோ

சென்னையில் வெள்ளத்தினால் பாதிக்கப்பட்ட மக்களுக்கு பல்வேறு தரப்பினர் அவசர உதவிப் பொருட்களை வழங்கி வருகின்றனர்.
இந்நிலையில் சென்னை அண்ணா ஆதர்ஸ் கல்லூரி, நடுவங்கரை, ஸ்கைவாக், எம்,ஜி.ஆர்.காலனி, மற்றும் அண்ணா நகர் பகுதியில் மழையால் பாதிக்கப்பட்ட பத்தாயிரத்துக்கும் மேற்பட்டடோருக்கு காலை முதல் இரவு வரை மறுமலர்ச்சி திராவிட முன்னேற்றக் கழகத்தின் பொதுச்செயலாளர் வைகோ உணவு வழங்கினார்.

சென்னை நுங்கம்பாக்கத்தில் இரண்டாயிரத்துக்கும் மேற்பட்டோருக்கு ரொட்டிகள் மற்றும் நடுவங்கரை, எம்.ஜி.ஆர்.காலனி, வளரசவாக்கம் உள்ளிட்ட சென்னையின் பல்வேறு பகுதிகளில் மழையால் பாதிக்கப்பட்டவர்களுக்கு உணவு வழங்கும் தொடர் பணியில் வைகோ ஈடுபட்டு வருகிறார்.