விடுப்பில் சென்ற அர்ஜுன் மீண்டும் பணியில்

5 வார கால விடுப்புக்குப் பின்னர் மத்திய வங்கி ஆளுநர் அர்ஜுன் மகேந்திரன் மீண்டும் தமது கடமைகளைப் பொறுப்பேற்றுள்ளார்.
மத்திய வங்கி பிணை முறி மோசடி தொடர்பில் மத்திய வங்கி ஆளுநர் மீது குற்றம் சுமத்தப்பட்டதன் பின்னர் விசாரணைகளுக்கு ஒத்துழைப்பு வழங்கும் வகையிலேயே அவர் விடுப்பில் சென்றார்.

மூவரடங்கிய நீதிபதிகள் குழு இது தொடர்பில் விசாரணை மேற்கொண்ட போது குறித்த மோசடிக்கும், மத்திய வங்கி ஆளுநருக்கும் நேரடி தொடர்புகள் இல்லை என தெரியவந்துள்ளது.

இந்நிலையிலேயே அவர் இன்று மீண்டும் தனது கடமைகளை பொறுப்பேற்றுள்ளார்.

எனினும் ஊடகங்களுக்கு அவர் குறித்த மோசடிகள் தொடர்பில் கருத்து தெரிவிக்க அனுமதி வழங்கப்படவில்லை என மத்திய வங்கி ரொய்ட்டர்ஸ் செய்தி சேவைக்கு தெரிவித்துள்ளது.