அவல் வடை

தேவையான பொருள்கள்:-

அவல் – 2கப்

கடலை மாவு – 1கப்

சோம்பு – 1ஸ்பூன்

கறிவேப்பிலை – 1கொத்து பொடியாக நறுக்கியது

சின்ன வெங்காயம் – 1கப் பொடியாக நறுக்கியது

பச்சைமிளகாய் – 3 நம்பர் பொடியாக நறுக்கியது

கொத்தமல்லி தழை – 1கப் பொடியாக நறுக்கியது

உப்பு – தேவையான அளவு

நல்லெண்ணெய் – தேவையான அளவு

தண்ணீர் – தேவையான அளவு

செய்முறை:-

முதலில் அவலை சுத்தம் செய்து வெந்நீர் சிறிது ஊற்றி ஊற வைக்க வேண்டும்.

பின்பு ஊற வைத்த அவலுடன் கடலைமாவு, சின்ன வெங்காயம், கொத்தமல்லி, கறிவேப்பிலை, பச்சைமிளகாய், சோம்பு, உப்பு ஆகிய பொருள்களை சிறிது சூடான எண்ணெய் 1ஸ்பூன் விட்டு தேவையான தண்ணீர் சேர்த்து வடைமாவு பதத்திற்கு பிசைந்து கொள்ளவும்.

பிசைந்த மாவை சிறு சிறு உருண்டைகளாக உருட்டி வைத்துக்கொள்ளவும்.

பின்பு வாணலியில் எண்ணெய் ஊற்றி காய்ந்ததும் ஒவ்வொரு உருண்டைகளை எடுத்து சிறு வட்டமாக தட்டி நடுவில் சிறு குழி பறித்து எண்ணெய்யில் போடவும். வடையை தட்டுவதற்கு வாழை இலை அல்லது காலியான பால் கவர் ஆகியவற்றை பயன் படுத்தலாம்.

நன்றாக இருபுறமும் பொன்நிறம் வந்த வுடன் எடுத்து டிஷ் பேப்பரில் போடவும். தேவைப்படும் போது எடுத்து பரிமாறவும்.

சுவையான அவல் வடை தயார்.