ஹரியானாவில் துப்பாக்கியால் சுட்டு ஒருவர் கொலை: கமெராவில் பதிவான அதிர்ச்சி சம்பவம் (வீடியோ இணைப்பு)

ஹரியானாவில் உள்ள குர்கானில் பெட்ரோல் பம்பு அருகே மர்ம நபர்கள் சிலர் துப்பாக்கியால் சுட்டு ஒருவரை கொலை செய்துவிட்டு தப்பிய காட்சிகள் சிசிடிவி கமெராவில் பதிவாகியுள்ளது.
குர்கானில் அமைந்துள்ள இந்த பெட்ரோல் பம்பில் நேற்று இரவு இந்த படுகொலை நடந்துள்ளதாக கூறப்படுகிறது.

கொலையாளிகளின் முகம் தெளிவாக சிசிடிவி கமெராவில் பதிவாகியிருந்தும் சம்பவத்தில் தொடர்புடைய எவரையும் இதுவரை பொலிசார் கைது செய்யவில்லை என கூறப்படுகிறது.

இரண்டு இருச்சக்கர வாகனத்தில் வந்த 4 பேர் கொண்ட அந்த கும்பல் பெட்ரோல் பம்பு அருகே வாகனத்தை நிறுத்திவிட்டு மறைத்து வைத்திருந்த துப்பாக்கியை எடுத்துள்ளனர்.

இதனையடுத்து குறிப்பிட்ட அந்த நபரை துரத்திச் சென்ற அந்த கும்பல் சரமாரியாக பலமுறை சுட்டு கொலை செய்துள்ளனர்.

குர்கானின் செக்டர் 5 பகுதியில் நடைபெற்ற இந்த சம்பவத்தில் படுகொலை செய்யப்பட்ட அந்த நபர் ராஜு என தெரியவந்துள்ளது.

குர்கான் பகுதியில் திபாவளி பரிசுகளை விநியோகம் செய்யவே அவர் அந்த பகுதிக்கு சென்றுள்ளதாக கூறப்படுகிறது.