மத்திய அமைச்சர் அருண் ஜெட்லி மீது தேசத்துரோக வழக்குப் பதிவு: நீதிபதி அதிரடி உத்தரவு

மத்திய அமைச்சர் அருண் ஜெட்லி மீது தேசத்துரோக வழக்கு பதிவு செய்ய நீதிமன்றம் அதிரடி உத்தரவிட்டுள்ளது.
மத்திய அரசு கொண்டு வந்த தேசிய நீதிபதிகள் நியமன ஆணைய சட்டம் செல்லாது என உச்ச நீதிமன்றம் சமீபத்தில் தீர்ப்பு அளித்துள்ளது.

மத்திய நிதி அமைச்சர் அருண் ஜெட்லி தன்னுடைய பேஸ்புக் பதிவில், இது குறித்து கருத்து தெரிவித்துள்ளார்.

அதில், உச்ச நீதிமன்ற தீர்ப்பு தவறான தர்க்கத்தின் அடிப்படையில் உள்ளது.

தேர்ந்தெடுக்கப்படுபவர்கள் பலவீனப்படுத்தப் படுகிறபோது ஜனநாயகத்துக்கு அது ஆபத்தாக முடியும் என குறிப்பிட்டுள்ளார்.

இந்நிலையில், நாளிதழ்களில் வெளியான செய்திகளை ஆதாரமாக கொண்டு, தானாக முன்வந்து உத்தரபிரதேச மாநிலம் குல்பகார் சிவில் நீதிபதி அங்கிட் கோயல், அருண் ஜெட்லி மீது தேசத்துரோக வழக்கு பதிவு செய்ய பொலிசாருக்கு உத்தரவிட்டுள்ளார்.

வரும் நவம்பர் 19ம் திகதி நேரில் ஆஜராகவும் அருண் ஜெட்லிக்கு பொலிஸ் எஸ்.பி. மூலமாக நீதிபதி சம்மன் அனுப்பியுள்ளார்.